ӨВӨӨ

Буурал аавын булшин дээр сийлэх үгс

Бидний сэтгэлийн үнэн байх юм

Буянаар цагласан түүний амьдралыг

Үнэнээр дуулсан тууль байх юм

Буруу явдалтан байсан юм гэж

Буг чөтгөр шивнэсэн ч

Бурхан байсан юм гэж

Бид чинь таныгаа дуурсгана

Ханш нээх өдөр

Хайрт өвөөгийн минь

Хорвоогоос хальсан өдөр

Хуудуу миний

Газарт буусан мөч

Цаглашгүй хайраар

Намайг өлгийдөж өсгөсөн

Цал буурал түүнийг

Нартаас үдсэн өдөр

Цагийн эрхээр сульдсан ч

Замын хүзүү нь

Урт байсан юм түүний.